Klikañ amañ da welout ar pegsun
Ar mennozh diazez a zo lavarout d’ar strollelezhioù foran a embann dre holl emaint evit an “Diorren Padus” n’int ket “ekolo” e gwirionez peogwir e tisoñjont ar brezhoneg a zo ul lodenn eus hor peadra a zo en dañjer.
Al lañgaj-mañ a zo da lavarout ha da adlavarout adal bremañ ha pergen d’an dud e karg.
Kas 3 euro war anv EAT da : EAT, Kergreven 29800 Trelevenez
Setu amañ ul labour gortozet pell a zo gant an dud a fell dezho adkavout pennadoù ‘zo hag oberennoù ‘zo e-barzh ar gelaouenn ez eus bet enni ouzhpenn 400 levrenn.
Renabl-imbourc’h betek 2005.odt
Ar fichennaoueg hir-mañ a zo talvoudus bras da adkavout pennadoù hag oberennoù strewet e niverennoù ha stagadennoù pe levrennoù hep niverenn embannadurioù Imbourc’h betek 2005 : war word pe writer libre-office, klikañ war “embann” ha “kavout”, ha lakaat ur ger bennak. Kelc’houiziek eo Imbourc’h : tri metrad bennak a levrennoù ez eus en holl : ur vengleuz hep he far ! Implij an nozelennoù Ctrl+F
Dornskrid Maodez Glanndour 1983
Amañ an diverrañ eus devezh-studi Breuriezh Sant Erwan e Brelevenez Lannuon d’ar sadorn 13 a viz Here 2012, renet gant Yann Talbot, beleg.
An holl draoù a zo meneget er restr-mañ, levrioù dreist-holl, a zo e gwerzh.
Prenañ ha profañ levrioù da E.A.T. a zo un doare mat da sikour ar gevredigezh.
Deuet mat eo ar profoù e moneiz, eveljust (ur baperenn diskarg tailhoù divyezhek a vez roet neuze).
Gant an diell-mañ e c’heller adkavout an dud ma ra Youenn Olier anv anezho en e zeizlevr etre 1945 ha 1966 (klikañ war ’embann’ ha ‘kavout” ur wech digoret ar restr.
Amañ lakaet “Liderezh an Eurioù”, da lavarout eo al levr-pediñ a zo en arver hiziv gant an Iliz katolik : an holl ofisoù eo karget ganti ar veleion, diagoned, menec’h, manac’hezed, leaned, leanezed da ober bemdez… hag ivez an dud lik a fell dezho abaoe Vatikan II dreist-holl.
Pajennaouet eo an oberennoù-se heñvel-mik ouzh pajennadur an embannadur-orin e latin eus 1985 e peder levrenn :
LE1 Liderezh an Eurioù Azvent-Nedeleg gant menegva Moullet eo bet e 2009 pp. 113-1308(s. o. Stal EAT) nemet ar menegva Ar fichennaoueg-mañ a zo klokoc’h ha nevesoc’h (tennet fazioù ‘zo, gwellaet an testennoù : war ober e chom atav…) pp. 113-1399
LE2 Liderezh an Eurioù Koraiz-Pask.doc Echuet e 2012 1973 pajennad
LE3 Liderezh an Eurioù Amzer blaen pp. 1-360 (1/5/2013)
Ouzhpenn 3000 pajennad eta betek-hen. 6000 a vo pa vo echu. Sellout ouzh ar menegerioù e dibenn al levrennoù evit adkavout an testennoù a glasker : bez ez eo talvoudus bras an oberenn-se e-keñver yezh ivez peogwir e tro en hor yezh testennoù ar Bibl (diwar labourioù “Ar Bibl Santel” hag “An Tour-Tan”) ha testennoù pennañ an Tadoù eus an Iliz, diwar al latin.
Deuet eo a-benn ar brezhoneg da gaout an oberenn-se a-drugarez da strivoù un nebeut beleion ha laiked eus strollad Kristenion Breizh, ur vreuriezh a bedenn hag a studi. Gouestlañ a ra he labour d’an dud a spered ganti, aet da Anaon, en o zouez :
Yann-Vari Perrot, beleg, + 12 Kerzu 1943, 66 vloaz, Skrigneg
Marsel Klerg, beleg, 28 Gouhere 1984, 72 vloaz Buhulien-Lannuon
Herri Pungier 01 Meurzh 1985 53 bloaz Pleuwigner
Loeiz ar Floc’h, beleg, 05 Du 1986 77 vloaz Louaneg (Maodez Glanndour)
Gwilherm Dubourg, beleg, 31 Meurzh 1988 60 vloaz Plufur
Pêr ar Gall, beleg, 11 Mae 1988 75 vloaz Eviaz
Pêr Bourdellez, beleg, 26 Gouhere 1989, 72 vloaz, Gwareg
Mari-Jozef Gag, w.d. 1993, Kistinid
David Davies ASB Bro-Gembre
Seamus O Tuama 16 Genver 1992 Dulenn
Madalen Sant Gall de Pons 22 Ebrel 1994 86 vloaz Gwengamp
Rene Gorvan 22 Mae 1994 Roazhon
Yann Vari Bouëssel du Bourg 24 Mae 1996 72 vloaz Nant-Izeg
Youenn Souffes-Despré 18 Genver 1997, e wreg 1990 Gwipavaz
Vefa de Bellaing 16 Ebrel 1998 89 vloaz Kêrglof
Pêrig Keraod 29 Here 1997 80 vloaz Pondivi
Loeiz Bihannig 15 Eost 1998 74 vloaz Sant-Maloù
Alan Heussaff e 1999 78 vloaz hag e wreg Brid e 2008 Gaillimh
Gwenn de Parceveaux 13 Gwengolo 2000 Lokournan
Diarmuid O Laoghaire, beleg, 21 Gouhere 2001 85 vloaz Dulenn
Pêr Even 16 Kerzu 2002 83 bloaz Gwengamp
Maoris ar C’hollo, beleg, 2003 Brest
Youenn Olier 13 Kerzu 2004 81 bloaz Kistreberzh
Ivona Martin C’hwevrer 2005 98 bloaz Brest
Roisin O Tuama 09 Meurzh 2005 86 bloaz Dulenn
Janed Queille 21 Here 2006 81 bloaz Gwengamp
Yann Petton e 2009 97 vloaz Lokournan
Gant dekvet deiz-ha-bloaz tremenvan Jil Ewan (Pêr Even) e lakaomp en linenn ar liamm evit lenn al levr ha fichennaoueg ar c’heriaoueg en doa goveliet a-benn gellout plediñ gant ar skiant uhelañ : ar feizoniezh (ul levr 300 p. deuet er-maez e 2002)
Ur c’hatekiz katolik evit gouroadidi eo Ar Feiz dre ar Meiz [1], savet gant Pêr Even, hag un dibab a-douez ar pennadoù a oa bet moulet e-kerz 30 vloaz er gelaouenn Imbourc’h, un dibab a zo bet graet gant ar skrivagner e-unan dre ma felle dezhañ ober eus e skridoù un oberenn unvan, ha da gentañ dre an urzh en deus roet dezho enni.
“Ar Feiz hag ar Meiz” n’eo, e stumm ebet, un oberenn hiniennel nag a faltazi. Ar feiz reizhkred, hini an Iliz a-viskoazh, en deus fellet da bPêr Even displegañ ha netra ken. Pezh en deus graet ar skrivagner n’eo nemet danzen gerioù , resisañ ma c’halle, a-benn tizhout ar pal-se.
Barr-avel, le blog du nationalisme breton
Lec'hienn embannadurioù "Ar Gouloù Gwenn"
"Tost-tost ouzhit emañ Komz Doue, ez kenoù emañ, hag ez kalon, ma seveni anezhi." (Adl 30, 14)
Traouigoù diwar-benn ar verdeadurezh a-genwerzh
Un digarez de skriù Brezhoneg
bed ar faltazi
(pe un tammig nebeutoc'h)
Breizh dieub ha sokialour
Ul lennerez o reiñ deoc'h pezh he deus skrivet goude he lennadennoù e-pad bloavezhioù. Deoc'h da reiñ ho soñj ivez.
EMGLEV AN TIEGEZHIOÙ 