Pardon Sant Anton Plouziri

Eus ar XVIvet kvt eo ar chapel, gwirheñvel eo e vije anv aze eus sant Anton a Badova, eus urzh sant Frañsez, a zo skeudennet o-daou er chapel (Frañsez gant e gleizennoù ouzh dor an tabernakl), met abaoe ez eo bet mesket gant sant Anton an dezerzh, patron ar saverien-voc’h : n’eus ket keit’se edo labouradeg GAD o reiñ labour da 800 a dud hag e kreiz tachad kenderc’hañ kig-moc’h emañ ar chapel, etre Daoulaz ha Montroulez.

Evel-se, goude an Oferenn e ez lakaet e gwerzh anduilh ha kig-moc’h diouzh ar c’hresk, ouzh ar groaz. Laouen eo an dud da brenañ rak ar gounid a ya da gempenn ar chapel.

Pardon a chapel a vez da Sul kentañ Gwengolo. Da zek eur evit ar brosesion adalek ar feunteun a zo en traoñ, war ribl an hent. Un darn vras-tre eus ar c’hantikoù a vez e brezhoneg evit c’hoazh. Anat eo e plij d’an dud kanañ anezho a bep eil paotred ha merc’hed, ar pezh na c’hoarvez morse e galleg.

Ton kantik Sant Anton a zo “war un ton anavezet” : fa la si# do re do la sol la do la sol fa… n’on ket evit lakaat un anv warnañ avat.

Diskan : Embanner ar binijenn, o tad leun a druez, Taolit warnomp unanet, ur sell a drugarez, hor c’halon d’ho meuliñ, hiziv a zo laouen, O Sant Anton benniget, selaouit hor pedenn.
Savet el lezenn gristen. e bro paianed kriz, Ho kerent mad ho skolias, a hed-ho yaouankiz, Dre skou/er o bu-hez, meulus e peb doare, Hag e Iakit ‘n ho spered, bevañ evit Doue.
En ofer’nn e selaouit, e barzh an aviel, Komzou or Salver Jezuz, ha dreist-oll e gentel, Evit bevañ santel.hag ober aluzenn, It ha gwerzhit ho tanvez, ha roit d’ar beorien.
Hag azalek an deiz-se poulzet gant ar Spered, E laoskit an enorioù, an holl drouz’zo er bed, Evit mont da vevañ ur vuhez pinijenn, Pellik en ur peniti, evit Doue hepken.

 

 

Advertisements

Landouzen-Ar Folgooad : emgav kentañ EAT bep bloaz.

Bep bloaz da zerc’hent Sul kentañ miz Gwengolo e vez lidet un oferenn vrezhonek er Folgoad : gouel ginivelezh ar Werc’hez Vari.

D’an Oferenn-se a zo da 6 eur noz e tired kalzik a dud, a bep korn a vro-Leon, war droad alies.

Evel-se e krog ar bloavezh-skol nevez : dont a ra an dud da bediñ ouzh treid ar Werc’hez kurunennet, ha boaz e vezont da bokat an delwenn sakr e maen
kersanton, ha da lezel ur piled koar dirazi arouez hor pedennoù oc’h erbediñ ar Werc’hez santel d’ober da Zoue reiñ deomp hor goulennoù.

An emgav-se er Fogoad a zo c’hoazh moarvat an emgav a vod ar muiañ a vrezhonegerien evit un dra e brezhoneg.

Kinnig a ra Emglev An Tiegezhioù evel bep bloaz d’en em gavout evit an degouezh-se, ha mont war droad d’ar Folgoad war hed 7 kilometr a-dreuz
maezioù bro-Leon. Evel bep bloaz eta e c’hellit dont d’al lec’h m’en em gavas tad ha mamm Sant
Herve : chapel Landouzen An Dreneg.Digor e vo ar chapel, ha loc’hañ a reomp da 15 eur hanter- 4 eur nemet kard diouzh ar chapel.

Pediñ a reomp war an hent, 20 mister ar chapeled. Kanañ zo moaien ober ivez (degas peadra);

Tu a vo da lezel e garr e-kichen ar chapel, ha kenweturañ a vo graet da gas ar vlenierien en-dro da Landouzen d’o c’haout en-dro.

Da 18 eur e vo kroget gant an Oferenn. Goude an oferenn ez eus tu da zegas e voued ha da zebriñ war ar plas da c’hortoz prosesion ar gouloù.

Deuit eta disadorn da vale etre Landouzen hag ar Folgoad, evit kregiñ gant ar bloavezh-skol nevez !

Gouel Maria Hanter Eost e Bodiliz

 

Bep bloaz d’an Hanter-Eost e vez lidet un Oferenn e Bodiliz, da zek eur hanter. E brezhoneg e vez an holl gantikoù hag al lennadennoù. Ar peurrest a vez an hanter anezhañ e galleg.
Mat eo en em gaout abred rak leun-barr e vez an Iliz d’an Oferenn-se.

War don “Itron Varia ar Porzhoù” eo kantik Pardon bras parrez Bodiliz
Diskan : Itron Varia Bodiliz, er baradoz kurunet, wamomp ho parrezioniz, ho krasoù skuilhit bepred.
1. Choazet a bep eternite da sikour prenañ ar bed, Ouzh mouezh ha lezenn Doue C’hwi Gwerc’hez, ho-peus sentet.
2. Evel-se, a-hed an amzer , eo bet meulet hoc’h anv, Ni, ho servijerien dister, d’hon tro ive, ho meulo.
3. Hon tadoù-kozh a beb amzer Koulz ha ni ho pugale o-deus kavet, o Mamm dener ennoc’h-c’hwi gwir hent an Neñv.
4. Mari, ô gwerc’hez galloudus, ouzhomp-ni, Bodiliziz Taolit ur sell madelezhus p’ho pedimp en hoc’h iliz
5. Pa sono hon eur diwezhañ, en draonienn-mañ a zaeloù O! grit d’hon ene douarañ, e porzh eürus an Neñvoù.
Glav bihan a zo bet e-pad ar brosesion en-dro d’an iliz-parrez, nebeut a-walc’h, hag e oa deuet poent debriñ ar C’hig-ha-fars.(evit ar bloaz a zeu ma fell deoc’h mont e c’hellot mirout ho pred o pellgomz da 06 63 27 02 18. 12 euro (hanter-briz dindan 12 vloaz).

 

Santez Peronell

Bep trede sul miz Gouhere e vez pardon santez Perounel e Plouzeniel (Leon). Prosesion hag Oferenn a vez, ha goude Kig ha fars (n’eo ket dav lakaat e anv) ha c’hoarioù (kilhoù kozh da skouer).. Gwechall e veze da Sul an Drinded hervez levr Mikael Madeg war feunteunioù bro-Leon. Hervez Turiav ar Menteg er «Goueler Kelt», embannet gant Preder, e vez he gouel d’ar 25 a viz Meurzh. Gouez da dud ar vro e vije bet c’hoar da sant Goulven. E buhez Sant Goulven Alberzh Ar Meur n’eus anv ebet anezhi avat. Abalamour ma vije marvet diwar an derzhienn ez eo brudet dour feunteun ar chapel da bareañ diouzh an derzhienn, hag ivez da lakaat ar vugale da vale. (Lenn amañ da heul)

Kannadig Imbourc’h 101 : Ar Gristenien eo ar Juifed nevez.

Da heul “censure” pennadoù Emglev An Tiegezhioù gant an “Agence Bretagne Press”,
Da heul berzhididgezh ouzh stalig Emglev An Tiegezhioù e gouel sañset ‘broadel’ ar brezhoneg e Langoned, Da heul berzhidigezh izili zo e Kamp emren Plougastell,
ha, war ar marc’had , Broudig o lakaat an hu warnomp da heul Françoise Morvan, da heul gouennlazh an Irakiz kristen a gantmiliadoù,
da heul lezenn Taubira, ha bremañ ar PMA-GPA a oa da c’hortoz, da heul an 8 milion a vabiged a zo bet lazhadeget abaoe 1975, hag al lezennoù a vir ouzh an Iliz hag an dud a volontez vat da stourm ouzh Kevredigezh an Ankou en em astenn dirazomp bemdez un tammig muioc’h,

Ya, Ni eo ar Juifed nevez, ha ne davimp ket, en anv ar frankiz da soñjal ha da ezteurel hor feiz hag hor menozioù.

Setu amañ eta, gant 70vet deiz-ha bloaz Emglev An Tiegezhioù, a sav da 1947, ur mare p’edo c’hoazh an Emsav Kristen dre vras ha broadelour e spered, hon niverenn 101 en un Emsav deuet da vezañ Kleizelour e-lec’h Broadelour, hag hiniennelour e-lec’h a spered kristen :

TAOLENN niv. 101 Kannadig Imbourc’h

  • Gwalloberoù an hiniennelouriezh, gant Donwal Gwenvenez ;
  • An diwaskañ-poan, dor izel ar Silvidigezh, gant T. Gwilhmod
  • Aozerion ar “Bibl Santel” 3/3, ha roll-lennadurezh, gant T. Gwilhmod (Pêr Ar Gall ha Job Lec’hvien, Maoris ar C’hallo, Bourdellez, Glaoda Barbotin…)
  • Evit ur bed hep Islam, gant Yann Mikael
  • Mouezh an Tad, gant Youenn Troal (Sarmon Badeziant Jezuz Mark 1, 2-13 : “Te eo va mab muiañ karet”)
  • Notennoù diwar an darvoudoù, gant Yann Maneguen (e-touez krafoù all, Simone Veil, «beulkeez servijus lakaet da santez eus ar Republik” ; e 2016, 90.000 kristen lazhet abalamour d’o feiz ; ni eo ar Juifed nevez en Emsav.)

Klikañ amañ : Kannadig Imbourc’h 101.pdf

Evit 18 euro ez emezeller en Emglev, a ro a gwir da resev ar c’hanndig dre lizher, ha da gemer perzh en e vuhez : degemer mat a vez graet da gement hini a zo tomm ouzh ar yezh hag a zouj ouzh hennadelezh katolik Emglev An Tiegezhioù, en ur virout evelkent e skiant-barn e-unan eveljust.

E