1 a viz Here
“ Ober anaoudegezh gant Jezuz Krist a zigor dirazoc’h un dremmwel nevez. “
HTS ar Pab Benead XVI d’ar re yaouank e Bro-Liban, gwengolo 2012.
3 a viz Here
“ Ken brav eo kaout ur vamm m’eo bet fellet da Zoue kaout unan “ Guy Gilbert beleg.
13 a viz Here
“ Pe e kreder e Doue, pe ne greder e netra. “ Fr. Renou, beleg, skingomz “Fidelite” 10 10 12.
16 a viz Here
“ An Iliz a zianzav gant glac’har kelennadurezh varvel an dizoueadegezh a-vremañ a zo kontrol d’ar poell ha da skiant voutin an denelezh. “ Diskleriadur a-viskoazh adlavaret gant Vatikan II, e Gaudium et spes § 21.
19 a viz Here
Pa vez ur vamm-gozh oc’h ober stamm evit he mab-bihan ne vez ket e pep brochennad o soñjal ennañ. Heñvel evit ar chapeled : anat eo eo dre garantez evit Doue hag ar Werc’hez e vez dibunet.
20 a viz Here
“ Mar d-omp templ Doue, ha mar d-emañ Spered Doue o chom ennomp, neuze ez eo brasoc’h ar pezh en deus pep den fidel en e galon eget kement a wel en oabl “ Sant Leon Meur Pab (440-461) Imbourc’h 299-300 p 136.
24 a viz Here
“ Paneve pedenn ar venec’h, iliz Menez sant Mikael ar Mor ne vije vije ket un iliz met ur “Monumant Istorel ”. KTO 23.I10.2012.
30 a viz Here
“ Pa vez kalz a gomzoù, ne vez ket diouer a bec’hedoù. “ Krennlavarioù 10, 19.
Unan a-douez seizh donezon ar Spered Santel eo Donezon ar C’huzul mat : “Lakaat a ra un den da zisheñvelout mennadoù santel Doue, mennadoù peurbedel ha divarvel, hag a c’hell evel-se bezañ soñjet, displeget dre gomz ha sevenet. “ Prokopius eskob Gaza VIvet kantved, meneget e Imbourc’h 1995 niv. 299-300, p. 156.
31 a viz Here
“ Ma fell deoc’h gwelout gwir gened un den, serrit ho taoulagad. “ Ambroise Ficheux, marvet diwar ar c’hrignbev da bemzek vloaz.
EMGLEV AN TIEGEZHIOÙ 