Boued mod ar vro da brenañ e brezhoneg

Regis 06 58 77 26 85 a zisplego deoc’h e brezhoneg kement hoc’h eus c’hoant da c’houzout diwar-benn ar rouedad-se a werzh boued yac’h ha breizhat.
Evit bro-Vrest ez eo ret urzhiadañ a-raok hanternoz d’ar Sul ha mont da gerc’hat ar varc’hadourezh e Koatodon-Gwipavaz tost da IKEA d’ar Yaou etre 16e30 ha 18e30.
Ar rouedad-mañ a zo war Vreizh a-bezh avat !
Nevez ‘zo o deus divizet kinnig an traoù e brezhoneg. Bep Gwener da noz e resever dre bostel un daolenn exel a seurt gant an hini a gavot amañ-kevret.

(trugarez da Serj !)

urzhiadenn-coopB5-Sizhun19.xls

Advertisements

Ur strollad kanerezed ha n’int ket “Femen”-ezed !

Ar re na blij ket dezho ar frankiz-estaoliñ ra dremenint hebiou d’an notenn-mañ a ro da glevout ar strollad merc’hed “Les Brigandes” (anv benel “Les Brigands” a oa al lezanv a roe an dispac’herien d’ar Vandeiz bet lazhadeget ganto). Ur ganaouenn a lavar o seizh gwirionez da gleizelourien c’hwegonteizhat ‘zo eus an “Emsav”, hag unan all a ra goap ouzh al logelloù frankvason. https://www.youtube.com/watch?feature=player_embedded&v=OaSGHv5puFo https://www.youtube.com/watch?v=IYgDvkrife8&feature=player_detailpage

Da ziwall ‘zo evelkent : Lenn mat an notenn.

Bandenn dreset Santez Tereza da zont

En notenn-mañ e kinnigomp ur vandenn dreset eus buhez skeudennet Santez Tereza Lisieux.

Prest eo an droidigezh : o kempenn ar vaketenn emaomp. E stumm ur vandenn dreset a c’hiz “kozh” eo kinniget, evel embanadurioù Fleurius gwechall.

(skeudenn gentañ) dindan pep skeudenn e vo un destenn verr. Setu eñ evit ar skeudenn gentañ :

“D’an 2 a viz Genver 1873 ez eo goloet kêr vihan Alençon, e Bro Normandi, en un nozvezh yen sklas.
23 eur 30. Ur gouloù divoas a lugern ouzh prenestroù an estaj kentañ, d’an niverenn 36 (deuet da vezañ an niverenn 32 en deiz a hiziv) eus straed Sant Blaise e-lec’h m’emañ Louis ha Zélie Martin o chom. Ur plac’hig ‘zo o paouez bezañ ganet. Honnezh ‘zo kreñv ha yac’h-mat hag ez eo an eizhvet bugel eus un tiegezh ma ne van nemet peder merc’h ennañ : Marie, Pauline, Léonie hag Céline. Thérèse eo an anv a resev, da lavarout eo : Tereza.”

38 pajennad peb a 4 skeudenn enno a ya d’ober ar vuhez skeudennet se, a vo gwerzhet moarvat etre 10 ha 12 euro+ mizoù-kas. N’ouzomp ket, avat, pet skouerenn a vo gwerzhet rak gwerzhet fall eo bet an div oberenn diwezhañ embannet ganeomp : 50 skouerenn evit ar c’hatekiz ha 16 hepken evit Kelc’hlizher HTS Frañsez. Klasket e vo skignañ ivez an oberenn-se dre diez “procure” ‘zo e Breizh Digeriñ a reomp eta ur roll eus an dud a ouestl prenañ anezhi adalek bremañ. mailto:eat