Tro Breizh 2018

Tu ‘zo da lakaat e anv adal bremañ : Amañ.

Advertisements

Delwenn Yann-Baol II Ploermael

Mat eo kemer perzh er sinadeg da glemm a-enep laikouriezh arloupet ar C’huzul-Stad.
Evit gwir e c’heller sellout ouzh kroaz an oberenn-se evel un tamm eus an oberenn arzel : n’eo ket tre ur c’halvar. Ar c’halvarioù n’hellont ket mui bezañ savet war un dachenn n’eo ket prevez abaoe lezenn fallakr 1905. http://citizengo.org/fr/sc/110994-conseil-detat-ou-le-politbureau-culture?tc=gm

Pardon santez Anna Tro-Aon

Ar Pardon a vez d’ar Sul kentañ a viz Gouhere da 10 eur 30, e mervent parrez an Ospital-Kamfroud.

En ur chapel nevez e vez lidet, bet savet e 1950.

Goude an Oferenn e vez ur brosesion hir a-walc’h da vont d’an aod dre ar “rue du Nerhu”, da lavarout eo “Straed an Erv”, rak evel en Oberlac’h (Aber-Loc’h) Plougastell ez eus evel un ervenn o vont pell en dour.

Eno e vez benniget ar mor ha pedet an Aotrou Doue evit an dud a vor. En ur vont hag en ur zont e vez kanet hepken e brezhoneg kantikoù d’an Itron Varia (“D’hor Mamm Santez Anna” ha kantik “Itron Santez Anna” ar Palud). Da notiñ ivez kantik Itron Varia Geloù-mat, a zo patronez an iliz-parrez, war don Rumengol “Itron Varia Geloù mat / Stouit warnomp ho taoulagad/ Pedit bemdez ho mab Jezuz/ da reiñ deomp-holl grasoù nerzhus.”

Ur pred hag ur c’hermes a zo war-lerc’h : gouel ar c’harter ez eo !