Levrioù e doubl e Levraoueg hon Emglev.

Kelou : Da heul ur brofadenn vras a levrioù d’hon Emglev, kant kiloioù a levrioù a zo e doubl e levraoueg an Emglev, a zo evit netra evit izili an Emglev, izelbriz pa ne vezer ket ezel :
– Imbourc’h, tost klok ;
– Al Liamm, tost klok
– Minic’hi Leveznez, tost klok
– Barr heol , ur bern mat
– Bleun-Brug, tost klok
– romantoù e-leizh…

O degas a c’hellomp da gKaraez e gouel al levrioù.

Dont e darempred ganeomp eta.

A wir galon, T. Gwilhmod 0298251072

Advertisements

Levrioù a c’hortoz ac’hanoc’h e stal Emglev An Tiegezhioù

Kalz a levrioù a gaver e stal EAT : setu lod anezho.:

Evit kavout o friz : Katalog Imbourc’h

“Poanioù-spered an Tad Gwazdoue” : ur prof kaer evit Nedeleg.

Golo 1 in gwenn ha du

Emañ E.A.T. IMBOURC’H o paouez embann

Poanioù Spered an Tad Gwazdoue

Romant kentañ Youenn Olier

300 pajennad

Priz : 18,50 € franko ar skouerenn

evit Breizh, Bro-C’hall, Europa hag Amerika.

Kas ho chekenn da Yann MIKAEL

12 straed René Giraud 44130 BLAEN Breizh – Brittany

Hanter-kant vloaz ’zo, war e wele e klinikenn Kerlena Roskov, e skrivas Youenn Olier e romant kentañ, dres d’ar mare ma oa birvilh en Iliz ha ma voe igoret Sened-Meur Vatikan II e Roma.

Ur c’helenner war ar brederouriezh, an Tad Gwazdoue, eo an dudenn bennañ. Kelenn a ra en ur skolaj prevez a Vro-Wened. Kavout a ra dezhañ ez eo dellezek eus ur post-labour gwelloc’h, en ur c’helenndi all, unan a lorc’h, e Pariz da skouer. Mouget e vez dezhañ etre mogerioù uhel ar skolaj-se. Klask a ra an dro da c’hellout ober troioù er-maez eus e skolaj gant e reolennoù strizh a drugarez d’ur … strakell. An Tad Prefed – an Tad Bleiz -, a glasko lakaat e gabestr warnañ…, hag ar soubenn a drenko da vat etre an daou veleg.

War zigarez un romant leun a fent evel m’henn diskouez talbenn al levr e-unan, e taolenn Youenn Olier doare an Iliz d’ar poent-hont, en em gave etre daou ved : hini ar gevredigezh plouezat kristen a viskoazh o tizeriañ, hag hini ar gevredigezh kêrel dizoue, deuet diwar Filozofed an Sklêrijennoù… Diskouez a ra eta penaos edo an Iliz 50 vloaz ‘zo, hag ar c’hemm ez eus bet er bloavezhioù tri-ugent-se.

Poanioù-Spered en deus an Tad Gwazdoue gant e vrokadennoù hag e c’hoantoù bugelel un tamm, dister ha farsus war-un-dro. Gant piv ez aio ar maout, gant ar “Bleiz” pe gant an “Oan” ?..