“Hor bugale n’o deus mui na Doue, na mestr, na kerent. Ret eo stourm !” eme Farida Belghoul

Embannet da Genver 29, 2014 gant Emglev

Ur video dispar da sellout outi a-raok manifestadeg ar sul 2 a viz c’hwevrer :

“Dre Zoue, ha dre c’hanedigezh o deus hor bugale ar reizh o deus, paoutr pe blac’h”

“Hon Tiegezhioù a zo distrujet gant ar Stad… ret eo mont d’an Emgann !”

Gervel a ra ma tennimp hor bugale un devezh bep miz evit stourm ouzh ideologiezh ar Gender.

Ur video hiroc’h, mat-tre ivez :

Tomaz Beilher a gas amañ ur ger deoc’h :

Embannet da Genver 25, 2014 gant Emglev

E-touez al lezennoù fall a vez divizet er mare-mañ
ez eus anv da zifenn ouzh ar gerent ober skol d’o bugale.
Mat eo enebiñ dre a-bep seurt doareoù. Setu aze ur skouer, ur sinadeg.
http://www.change.org/fr/p%C3%A9titions/d-wiedemann-une-loi-pour-interdire-l-%C3%A9cole-%C3%A0-la-maison

Trugarez da Tomaz eus Beilherien Karaez, a aoz ur veilhadeg bep gwener da noz da 9 eur, leurger La Tour d’Auvergne, gant un tammig brezhoneg… e kement ha ma c’heller !

Deomp da Bariz da vanifestiñ asamblez !

Embannet da Genver 14, 2014 gant Emglev

D’ar meurzh 14 a viz Genver, pemp devezh a-raok ar vanifestadeg a-enep lazhadeg ar babigoù (220.000 bep bloaz e Frañs), en doa diskleriet F. Hollande emañ evit mont pelloc’h c’hoazh war hent “Kevredigezh an Ankou” (frankizaat c’hoazh an diforc’hañ bugale, mirout ouzh difennerion ar vuhez da enebiñ dre ul lezenn arbennik, a-du eo gant an helazherezh, lemel a ra an 30 miliard digant an arc’hoproù-tiegezh, ha kement ‘eo ! Bep sizhun ez a larkoc’h ar gouarnamant war hent distruj ensavadur an Tiegezh ha lezennoù enep natur a bep seurt…

E 2013 e oa bet pezhioù manifestadegoù a-enep lezenn Taubira da zinaturelaat c’hoazh an euredoù sivil o reiñ ar gwir-se d’ar pared heñvel o rev.

E 2014 hon eus peder diskeladeg a zo rakwelet, hag a c’hoarvezo an eil warlerc’h eben :

– d’an 19 a viz Genver : A-du gant ar vuhez, a-enep an difroc’hañ-bugale. Ur bern broioù a zistro er mare-mañ war an touell se eus ’68 : Spagn, ar Rouantelezh Unanet, Sveden, Alamagn, Lituania, Rusia, hag all hag all…

– d’ar 26 a viz Genver : “Deiz ar Gounnar“, a-enep ar gouarnamant, hag a vodo koulz katoliked ha Bonedoù-ruz, koulz micherourion, patroned bihan artisaned ha kement ‘zo : Civitas, Dieudonné, hag all, hag all…

– d’an eil a viz C’hwevrer : Ar Manif ‘vit an Holl a c’houlenno adarre ma vo dilammet lezenn dinatur Taubira ;

– d’an dek ez eo an AGRIF, a-enep ar spered angristen a lusk ar gouarnamant. A-enep an tiegezhioù da gentañ penn….

Diouzh Landerne e vo izili eus EAT o loc’hañ d’an eil a viz Genver . Plasoù a chom c’hoazh : 0676562819.

Gouel an Tiegezh Santel

Embannet da Genver 12, 2014 gant Emglev

Setu amañ testenn an Oferenn eus Gouel an tiegezh Santel hervez ar stumm dreist-ordinal.
Ober a ra diouer e levr oferenn Uguen (1924), al levr oferenn nevesañ hon eus eus Oferenn Latin sant Pius V e brezhoneg. Un nebeut klokadurioù a zo da ober eta hag a vo graet taùù-ha-tamm.
Hiziv e krogomp gant Gouel an Tiegezh Santel, un oferenn a-bouez evit izili Emglev An … Tiegezhioù ! T.G.