Bezañ kristen zo bezañ gwriziennet dre ret

…daoust d’ar pezh a lavvar ar Pab Frañsez, ar Samaritan mat ne sonj ket eveltañ :

– ne zegemer ket an den en e di ;

– paeañ a ra dezhañ un ostaleri da c’hortoz e c’hellfe distreiñ d’e vro ;

– karitez a ziskouez, ha n’eo ket kengrediezh rediek gant ar galloud politikel evel bremañ…

https://youtu.be/kgIh-JtVnIw

Holl gelennadurezh an Iliz a ya a-enep Babel, un tour unyezhek a glasker sevel a-nevez.

Ar re n’o deus ket ar feiz eo diaes dezho kompren savboent an Iliz katolik, hogen gant ar video-mañ e c’hellint kompren un tamm bennak.

Pouezus eo evit EAT, seul-vui ma-z eus en EAT izili ha n’int ket krederien met a zegemer ar fed n’eo ket sotoni kelennadurezh sokial an Iliz, a zo daou-vilvedel hag hervez ar feiz katolik n’emañ ket dogmad “difaziüsted ar Pab” da vezañ dalc’het e kont en degouezh-mañ : e zifaziusted a zo e par an dogmadoù nemetken (displegañ ar Gredo). War boentoù al c’hoazh ez eo nec’hus-tre Frañsez evit ar gatoliked ordinal pa fell dezhañ urzhiañ belegezed ha aotren ar gomunion d’an dud torrdimezet hag addimezet. Mont a ra aze penn-da-benn a-enep dogmad belegiezh ar C’hrist predet gant an Iliz hag ar Briedelezh sakramantel (met se zo un afer all !)

Advertisements

“Ar brezhoneg e bed an armerzh”

Kafedi Armerzh : “Ar brezhoneg e bed an armerzh” (lusket gantDenez Pichon)
D’ar Sadorn 13 a viz Genver 2017, 2e30 goude merenn, e tavarn ar Finnegans, 46 straed Aristide Briand, KEMPER

N’eo ket stank ar studiadennoù diwar-benn implij ar brezhoneg e bed an armerzh. Kinniget eo deomp ar wech-mañ al lodenn gentañ eus ur studiadenn bizh war an danvez.
Kinniget e vo deomp ur sell hollek war emdroadur ar brezhoneg a-hed ar c’hantvedoù, gant an darvoudoù o deus merket hor yezh.
Kinniget e vo deoc’h ur sell diwar-benn an armerzh hag al liammoù gant ar yezhoù.
An abadenn-mañ a responto d’ar goulennoù-mañ : Bet eo bet implijet ar brezhoneg e bed an armerzh ?
Istor hor yezh
*Roudoù eus ar brezhoneg e bed
an armerzh el levrioù kozh.
*Teir zagadenn war ar brezhoneg a-hed an istor
*Darvoudoù o deus kemmet emdroadur hor yezh.
Petra eo an armerzh ?
*Istor an armerzh.
*Frammadur bed al labour
*Yezhoù ha produusted
Kammedoù kentañ ar brezhoneg e bed armerzh an XXvet kantved.
Adlakaat a reomp da soñj palioù ar Gevredigezh vrezhon : krouiñ ur vuhez kevredigezhel brezhon dre obererezhioù liesseurt :
. displegadennoù mareadek war dodennoù liesseurt (istor, douaroniezh, fizik, armerzh, prederouriezh, lennegezh…)
. c’hoariva
. abadennoù sonerezh liesdoare
. mennozhioù a bep seurt da ziorren diouzh kinnig ar berzhidi…
Kinnig a reor traoù a sell hon amzer kempred hag an dazont, kuit a gement spered “folklorel“ a ve, hag a sell kenkoulz Europa hag ar bed a-bezh diouzh un tu ha Breizh hag ar broioù keltiek all diouzh un tu all
Sevel e Breizh a-bezh ur rouedad kreizennoù lec’hel a vuhez kevredigezhel brezhon eo pal ar Gevredigezh Vrezhon…Mard oc’h dedennet gant hon embregadenn, daoust deoc’h na c’hellout mont da Gemper, e c’hellit mont e darempred ganeomp a-benn krouiñ kreizennoù lec’hel en ho korn-bro
Trugarez deoc’h da gemenn deomp mard emaoc’h e soñj dont pe get. Aozet gant ar Gevredigezh Vrezhon
(resisadurioù : kevredigezhvrezhon) Kemenn da skignañ mar plij !

 

Kannadig imbourc’h 103

Taolenn Kannadig Imbourc’h niv. 103 Here-Kerzu 2017 :

– Kaezar ne oa ket andoueour, gant Yann Mikael ;
– Tiegezhioù emsaverien a brientinien gristen e-pad an 20vet kantved, gant T. Gwilhmod ;
– Daou ahel stourm hon Emglev, gant T. Gwilhmod ;
– An Azen hag an Ejen a anavez o Aotrou, gant J. Ratzinger (2011)
– Notennoù diwar an darvoudoù, gant Yann Maneguen
– D’ar Bugel-Doue, gant Anjela Duval.

NOTENN A-BOUEZ O vezañ m’hon eus bet keloù eus klemmoù a-ziwar hor c’helaouenn digant Fañch Broudig, Françoise Morvan, ABP (Argouarc’h), Gouel Broadel ar Brezhoneg ha re all c’hoazh, e tegasomp da soñj ez eo “Kannadig Imbourc’h” kelaouenn izili Emglev An Tiegezhioù, da lavarout eo ur gelaouenn diabarzh prevez a breder brezhon ha kristen dishual,  arc’hantaet gant skodennoù an izili. N’eo ket graet da blijout d’an holl met da sikour an Emsaverien da ziorren o yezh ha da brederiañ dirak an darvoudoù e Breizh hag er Bed. Kelaouenn un Emsav e venn bezañ. En ur glikañ AMAN da lenn Kannadig Imbourc’h 103 ez asantit d’ar frankiz-soñjal eta hag ez anavezit e c’hell bezañ pennadoù na blijont ket deoc’h. Ar re-se, forzh penaos, ne ouestlont ket kiriegezh hor c’hevredigezh met hepken an aozerien anezho, hag a zo da vezañ lennet evel bannoù-sklerijenn spiswel ha dishual dirak an darvoudoù.

 

Renta-kont Famille Chrétienne war pastorelezh ar brezhoneg en eskopti Gwened.

Amañ da heul div bajennad tennet eus ar gelaouenn “Famille Chrétienne” eus ar sizhun-mañ (sizhunieg, 60.000 koumanant) diwar benn ar bastorelezh e brezhoneg en eskopti Gwened.

Da notiñ ne chom ket e rez ar folklor : anv ‘zo ivez a bolitikerezh, eus gwirioù Breizh, ha n’eo ket tamm ebet politikerezh evit brudañ ar c’hastaouerezh e brezhoneg evel ma ra “Mignoned ar Brezhoneg” en o gouel sañset “broadel” eus ar brezhoneg (er pleustr digor hepken d’an dud a-du gant o menozioù mezhus arloupet ha politically correct…)

Da notiñ ivez ez eo merket n’eo ket chalet an eskibien all gant al liamm-se ez eus da blediñ gantañ, etre ar feiz hag ar yezh hag ar sevenadur.

 

a-berzh “Contribuables Associés” – Eudes Baufreton

Chom a-sav gant
Emañ Macron o laereoñsi arc’hant-espern an dud

gwazh ouzh gwazh !

Klikañ amañ evit lenn en-linenn war lec’hienn “Contribuables associcés” :SINADEG-KLEMM

Eudes Baufreton

Surentez ha buhez prevez
Contribuables Associés ne ro morse hoc’h e-mail dda aozadur ebet.
Deoc’h eo hooc’h e-mail hag e rank chom prevez ha diogel.

Enrollet eo Contribuables Associés er CNIL niv. 235741.Ar gwir hoc’h eus da sellout ouzh an titouroù hon eus diwar ho penn, ha da gemm anezho. Ma fell deoc’h hen ober pe ma ne fell ket deoc’h e vefe roet ho chomlec’h-post da aozadurioù all pe eskemmet ganto gant ar pall da vrudañ hon obererezh, a-walc’h eo skrivañ da :contact@contribuables-infos.org pe pellgomz : 01.42.21.16.24

Rener

Chom a-sav gant