Deiziadur 2017 gant Tiegezh Santez Anna

Un deiziadur gant gouelioù ar bloaz kristen hag ar sent e brezhoneg ez eo.
En abeg d’al load implijet e chom re vras plas ar galleg, met un taol esae eo : gwelloc’h e vo klasket ganto ober a-benn bloaz… ma vez tud prest da brenañ.

20 euro eo, tu zo da gas ur gwennegig bennak ouzhpenn, rak un doare da sikour Tiegezh Santez Anna eo, evel-just.

Skrivañ da :
Tiegezh Santez Anna,
Lann-Anna, 56110 Roudoualleg

deiziadur 1

deiziadur 2

Nedeleg laouen d’an holl !

Diwar Liderezh an Eurioù :

Ant. “Hiziv e ouezot e teuio an Aotrou : ha warc’hoazh e welot ar c’hloar anezhañ”.

MEULGANENN evit ar 24 a viz Kerzu   (Ton : “Jezuz, va Salver benniget”)

Deuit, dasprener ar broadoù,diskouezit bugel ar Werc’hez ;ar bed a-bezh a estlammo :doueelat ganedigezh !

N’eo ket diouzh un hadenn c’hourel,    hogen diouzh anal gevrinel eo Lavar Doue deuet da gorf    pa vleunias frouezhenn en he c’hof.

Teur ar Werc’hez ’grog da goeñviñ,   kloued ar werc’hted ’zo anterin,  banniel ar vertuz a zasked,  Doue a vev en e neved

Ra ’n em ziskouezo maez e gambr, lez roueel an elevez,         ma kerzho drant a-zoug e gamm ar ramz daouel en e solwez.

Kevatal ouzh an Tad peurbad,  e wiskit kig ’vel ur pourc’had,  a-benn gouzañv a-bouez ho nerzh    diwar gwander hon c’horf dinerzh.

C’hoazh er prezeb ho korf a sked    o vagañ ’n noz gant ar sklaerded   na vo noz ’bet un harz dezhi     hag a splanno dre ’r feiz enni.

Ra vo, Krist roue c’hwek-meurbet , Deoc’h-c’hwi ar c’hlod koulz ha d’an Tad   ha d’ar Spered Diwaller mat,en holl gantvedoù hed-ha-hed. Amen.

Kannadig-Imbourc’h 98

Kannadig Imbourc’h, kelaouenn Emglev An Tiegezhioù niv. 98, Here – Kerzu 2016 a zo deuet er-maez. Setu amañ ar pezh a c’henner lenn warnañ :

• Hon hendadoù ar C’hallianed, gant Yann Mikael (da heul ar breud waar istor bro-C’hall gant Sarkozy ; ur studiadenn bizh war ar ger “Gallia”ha war ar gerioù deveret dioutañ e mitaweg hag e brezhoneg)
• Ar Manif ‘vit an Holl e Pariz e miz Here, gant Tepod Gwilhmod (rentañ-kont, ugent poent a ziskouez politikerezh ar gouarnamant a-enep an tiegezhioù)
• War hent an darblegidigezh, gant Donwal Gwenvenez (ur ger nevez a dalvez ‘soumission’ e-se ar c’hudennoù en abeg d’an enbroerezh muzumat)
• Desevel hor bugale, gant Nadine Olier (penaos sikour hor bugale en o buhez kantaezel ?)
• Sant Koulm (615-2015), gant Eskob Traenor, tr. gant Paol Kalvez
• Notennoù diwar an darvoudoù, gant Yann Maneguen
• Buhez hon Emglev : Notennoù yezhadur gant Bodad ar Bibl : -ar rannigoù-verb a hag e ; “Zo” pe “A Zo” ? ; -iad/-ad…

18 euro eo ar c’houmanant paper. klikañ amañ evit lenn kannadig-imbourch-98

Ya d’ar Vuhez !