Keneiled vat,
da heul an darvoudoù er Reter Nesañ, e Libia, e Nigeria, en Niger hag e lec’h all
e c’hellfemp-ni, evel Kristenion Vrezhon hag evel Bretoned pa ne ve ken,
ober un draig bennak evit Kristenion ar Reter Nesañ
a vez skrapet (kantadoù e Siria, e Nigeria),
dic’houzouget (Libia, Irak), tangwallet o ilizoù (Niamey e Niger),
hag a rank divroañ (kantmiliadoù a dud eus Irak ha Siria)
hep na vefe chalet kement-se ar c’hedveno e abeg d’ar meziennoù na reont ket o labour
(e-skoaz gant degouezh al lazhadeg e burevioù Charlie Hebdo e oant deuet a benn da lakaat kantmiliadoù a dud da ziskelañ er straedoù…).
Anat eo n’eo ket a-walc’h lavarout hor soñj e kelaouenn Emglev An Tiegezhioù :
un dra bennak ez eo atav, a-bouez da ober evelato, rak, ma n’hellomp koulz
lavarout netra dirak an darvoudoù :
da vihanañ holl e servij hor c’hannadig d’hor sikour da vezañ spiswel.
Setu perak e c’halvan izili ha mignoned Emglev An Tiegezhioù da ouestlañ muioc’h a amzer en o fedenn evit kristenion ar Reter Nesañ.
Ar veleion a resev ar c’hemenn-mañ a c’hello marteze hor gervel d’ur veilhadeg bennak, pe d’un Oferenn evit ma c’hellfemp pediñ a-gevret evito
ha diskouez war-un-dro ez eus c’hoazh e Breizh kristenion kar-o-bro n’int ket diseblant ouzh o breudeur eus ar Reter-Nesañ e-kreiz reuzioù spontus.
Tu a vo da zastum arc’hant en hon anv da gas dezho, dre un aozadur evit “Skoazell d’an Iliz en Dienez”, pe un all…
a un galon ganeoc’h eta, er bedenn evit hor breudeur er feiz,
Tepod Gwilhmod
GS : Al lizherel-mañ a zo kaset da holl izili Emglev An Tiegezhioù pe da vignoned tost. Ma digarezit ma n’hoc’h ket evit resev va c’hemennoù a zo o fal buhezekaat un tammig bihan bedig-bed ar vrezhonegerion gristen. Ma n’hoc’h ket evit o resev ken ez eo a-walc’h deoc’h kas en-dro al lizherel hep tamm meneg ebet. Trugarez deoc’h.