Mark 9, 29 : “dre ar bedenn hag ar yun“.
Ar ger “yun” a zo bet lammet diouzh holl droidigezhioù kempred eus ar Bibl, nemet diouzh hini Chouraqui. Ar ger-mañ a gaver padal e Vulgata Stuttgart dre m’hen gaver e holl dornskridoù ar Vulgata nemet unan. E gavout a reer ivez en darn vrasañ (tost an holl evit gwir) eus an dornskridoù gresianek (ha siriek, koptek…) ha pergen er papirus 45 eus an trede kantved, hogen n’emañ ket e daou eus an tri codeks a zo sellet evel ar re wellañ. Anv ebet ken eus ar yun eta… un dra ret, hervez Hor Salver, koulskoude, evit argas diaouloù ‘zo…
Lukaz 16, 25
25 Va bugel, a respontas Abraham, az pez soñj ec’h eus bet da eurvad e-pad da vuhez.
Ar ger “bona ” eo e latin, da lavaret eo “madoù”. Ret eo treiñ eta :
25 Va bugel, a respontas Abraham, az pez soñj ec’h eus bet madoù e-pad da vuhez
EMGLEV AN TIEGEZHIOÙ 