Amañ kantikoù eus an Adnevezadur
Evit adkavout niverennoù Kannadig Imbourc’h, klikañ war ar bann kleiz ar Rann “Kannadig Imbourc’h”
Evit adkavout danvez niverennoù all Kannadig Imbourc’h, klask “renabl”.
Dielloù ar rann : Kantikoù
Pardon Sant Divi Dirinonn
Da bevare sul miz Gouere an hini eo e vez lidet ar pardon bihan-mañ, gant daou gantik brezhonek, unan en enor da Sant Divi, egile en enor d’e vamm Santez Nonn.
KANTIK SANT DIVI (war un ton anavezet)
Diskan : O Patron karet, Sant Divi, ni ho ped amañ gand dudi Selaouit mat hor pedennoù, grit deomp ganeoc’h mont d’an neñvoù.
1 ) Ho mamm, Divi, eo Santez Nonn Hor Patronez hag hon itron Pebezh enor d’hor parrez-ni Kaout d’he diwall Nonn ha Divi
2 ) Pell amzer zo hon Tadoù Kozh E Dirinonn war lein ar roz, un iliz kaer o-deus savet Da enoriñ ho mamm garet
3 ) Tostik d’ho mamm, e Lannuzel C’hwi ho peus ivez ur chapel el-lec’h ma roit da bep hini Grasoù nerzhus, o Sant Divi
4 ) Skoliet oc’h bet gant Sant Ildud Kelenner dreist, santel e vrud Beleg, eskob oc’h bet goude Abostol braz Breizh ha Kembre.
KANTIK EN ENOR DA SANTEZ NONN (war ton da sant Paol a Leon)
Diskan : Kanomp, kanomp a greiz kalon, meuleudioù da santez Nonn Ha goulennomp dre ar bedenn, eus he bennozh an aluzen ( bis )
1 ) Gant eun douster leun a resped
Ho pugelig ho peus savet un ene gwenn ‘vel al lili
O peus graet d’ho mab Sant Divi (bis)
2 ) Goude ur vuhez ken Santel Santez Nonn zo bremañ uhel E mesk ar Sent hag an Aelez Gant kurunenn ar Santelezh. (bis)
3 ) Gouel ar pardon, gouel a enor Gouel a joa, e Bro Arvor En deiz hirio, e trid kalon holl Barrezianiz Dirinonn. (bis)
4 ) Eus barr an neñv, ô Santez Nonn
Bennigit parrez Dirinon
O kanañ deoc’h meuleudioù
Gant he c’halon hag he mouezhioù. (bis)
5 ) Grit ma chomo gwrizioù ar feiz
E kalon ho parrezianiz
Evel gwrizioù ar gwez derv,
A ziwan war douar hor Bro. (bis)
6 ) Ha gant sikour ho pedennoù Digorit deomp dor an Neñvoù Ha ni gano deoc’h mil bennozh E kreiz dudi ar Baradoz. (bis)
Pardon an Itron Varia Lambaol-Gwimilio
Da sul kentañ miz Mae (Miz Mari) e vez lidet pardon an iliz-parrez gant ur brosesion, un Oferenn gant an hanter eus ar c’hantikoù e brezhoneg, ur banne a enor hag ur pred er skol Sant-Jozef. Ar c’hantik a vez kanet war an ton anavezet : “D’hor Mamm Sante Anna”.
Parrezioniz Lambaol
Diskan : Parrezioniz Lambaol, pedomp Mari hor Mamm,
Rak ar Werc’hez dinamm ‘deus joa ouzhomp-ni holl.
1. Ho mamm santez Anna ‘deus desket deoc’h pediñ, labourat ha kanañ, da Zoue Meuleudi.
2. ‘Vit saveteiñ ar bed, ha digeriñ ‘n hent mat, Doue ‘neus ho kalvet da vezañ mamm e Vab.
3. War holl hentoù ar vro ho kalon ‘oa gantañ, betek kroaz e varv ‘peus heuliet anezhañ.
4. War-zu ho Mab karet, troit kalon pep den, ho peugale ho ped : grit ma vevimp laouen.
Te Deum e brezhoneg war an ton latin “Krampouezh gwinizh du” !
Te Deum.pdfPardon Sant Budog Ploveur
Da eil Sul miz Eost e vez ar pardon-se, er vro-vigoudenn.
E galleg e vez lidet, war-bouez ar c’hantik da heul, ar ‘Santel’, Da Feiz hon Tadoù kozh, hag e latin : ar Gredo a bep eil gant ar wazed hag ar merc’hed, war an ton “krampouezh gwinizh-du”. Kozh-mat e oa oad ar fideled, ar braz en tu all da bevar-ugent vloaz.
Kanet e vez ar c’hantig-mañ war don “Itron Varia ar Joa Penmarc’h”, a zo ivez hini Pardon Lok-Ildud Sizun.
R/ Kanomp gant ur vouezh kalonek, Meuleudi da Batron Beuzeg !
En neñv en deus ur renk uhel, e-touez Sant kozh bro Breizh-Izel (bis)
1- Atav betek eur hor marv, O Sant Budog ni ho karo,
Penaos ne garfemp ket hon tad, hon difennour, on alvokad ? (bis)
2- Ouzhomp oc’h karget gant Doue, Douar Beuzeg eo ho leve,
C’hwi peus, a-dreuz ar c’hantvedoù, He diwallet eus an Neñvoù. (bis)
3- Sikourit holl dud ar barrez, An emzivad, an intañvez,
Sikourit ivez an tadoù, ar vugale hag ar mammoù. (bis)
4-D’ar pinvidig evel d’ar paour, Diskouezit o po kalon aour.
N’o dilezit ket eus an Neñv, Rak holl ez int ho pugale. (bis)
5-Eus ar mintin betek an noz, war ho labour skuilhit bennozh,
Anez, ne dalv ket d’an dachenn bezañ glebiet gant hor c’hwezhenn.
Pardon Sant Anton Plouziri
Eus ar XVIvet kvt eo ar chapel, gwirheñvel eo e vije anv aze eus sant Anton a Badova, eus urzh sant Frañsez, a zo skeudennet o-daou er chapel (Frañsez gant e gleizennoù ouzh dor an tabernakl), met abaoe ez eo bet mesket gant sant Anton an dezerzh, patron ar saverien-voc’h : n’eus ket keit’se edo labouradeg GAD o reiñ labour da 800 a dud hag e kreiz tachad kenderc’hañ kig-moc’h emañ ar chapel, etre Daoulaz ha Montroulez.
Evel-se, goude an Oferenn e ez lakaet e gwerzh anduilh ha kig-moc’h diouzh ar c’hresk, ouzh ar groaz. Laouen eo an dud da brenañ rak ar gounid a ya da gempenn ar chapel.
Pardon a chapel a vez da Sul kentañ Gwengolo. Da zek eur evit ar brosesion adalek ar feunteun a zo en traoñ, war ribl an hent. Un darn vras-tre eus ar c’hantikoù a vez e brezhoneg evit c’hoazh. Anat eo e plij d’an dud kanañ anezho a bep eil paotred ha merc’hed, ar pezh na c’hoarvez morse e galleg.
Ton kantik Sant Anton a zo “war un ton anavezet” : fa la si# do re do la sol la do la sol fa… n’on ket evit lakaat un anv warnañ avat.
Diskan : Embanner ar binijenn, o tad leun a druez, Taolit warnomp unanet, ur sell a drugarez, hor c’halon d’ho meuliñ, hiziv a zo laouen, O Sant Anton benniget, selaouit hor pedenn.
Savet el lezenn gristen. e bro paianed kriz, Ho kerent mad ho skolias, a hed-ho yaouankiz, Dre skou/er o bu-hez, meulus e peb doare, Hag e Iakit ‘n ho spered, bevañ evit Doue.
En ofer’nn e selaouit, e barzh an aviel, Komzou or Salver Jezuz, ha dreist-oll e gentel, Evit bevañ santel.hag ober aluzenn, It ha gwerzhit ho tanvez, ha roit d’ar beorien.
Hag azalek an deiz-se poulzet gant ar Spered, E laoskit an enorioù, an holl drouz’zo er bed, Evit mont da vevañ ur vuhez pinijenn, Pellik en ur peniti, evit Doue hepken.
Gouel Maria Hanter Eost e Bodiliz
Bep bloaz d’an Hanter-Eost e vez lidet un Oferenn e Bodiliz, da zek eur hanter. E brezhoneg e vez an holl gantikoù hag al lennadennoù. Ar peurrest a vez an hanter anezhañ e galleg.
Mat eo en em gaout abred rak leun-barr e vez an Iliz d’an Oferenn-se.
War don “Itron Varia ar Porzhoù” eo kantik Pardon bras parrez Bodiliz
Diskan : Itron Varia Bodiliz, er baradoz kurunet, wamomp ho parrezioniz, ho krasoù skuilhit bepred.
1. Choazet a bep eternite da sikour prenañ ar bed, Ouzh mouezh ha lezenn Doue C’hwi Gwerc’hez, ho-peus sentet.
2. Evel-se, a-hed an amzer , eo bet meulet hoc’h anv, Ni, ho servijerien dister, d’hon tro ive, ho meulo.
3. Hon tadoù-kozh a beb amzer Koulz ha ni ho pugale o-deus kavet, o Mamm dener ennoc’h-c’hwi gwir hent an Neñv.
4. Mari, ô gwerc’hez galloudus, ouzhomp-ni, Bodiliziz Taolit ur sell madelezhus p’ho pedimp en hoc’h iliz
5. Pa sono hon eur diwezhañ, en draonienn-mañ a zaeloù O! grit d’hon ene douarañ, e porzh eürus an Neñvoù.
Glav bihan a zo bet e-pad ar brosesion en-dro d’an iliz-parrez, nebeut a-walc’h, hag e oa deuet poent debriñ ar C’hig-ha-fars.(evit ar bloaz a zeu ma fell deoc’h mont e c’hellot mirout ho pred o pellgomz da 06 63 27 02 18. 12 euro (hanter-briz dindan 12 vloaz).
Santez Peronell
Bep trede sul miz Gouhere e vez pardon santez Perounel e Plouzeniel (Leon). Prosesion hag Oferenn a vez, ha goude Kig ha fars (n’eo ket dav lakaat e anv) ha c’hoarioù (kilhoù kozh da skouer).. Gwechall e veze da Sul an Drinded hervez levr Mikael Madeg war feunteunioù bro-Leon. Hervez Turiav ar Menteg er «Goueler Kelt», embannet gant Preder, e vez he gouel d’ar 25 a viz Meurzh. Gouez da dud ar vro e vije bet c’hoar da sant Goulven. E buhez Sant Goulven Alberzh Ar Meur n’eus anv ebet anezhi avat. Abalamour ma vije marvet diwar an derzhienn ez eo brudet dour feunteun ar chapel da bareañ diouzh an derzhienn, hag ivez da lakaat ar vugale da vale. (Lenn amañ da heul)
sainte pc3a9tronille
santez peronell dirinon
kervern an aod
feunteun stez peonell plouzeniel
Kantik Sant Alar Plouzeniel
Ar c’hantik a vez kanet war don «Pegen Kaer ez eo mamm Jezuz» (a zeu diwar «kan bale Arzhur»)
Diskan : 1. En Neñvoù ha war an douar
Meuleudi, hag enor ha gloar,
ha mil bennozh da Sant Alar.
2. Morse Sant alar ne vanke
e-kreiz e labourioù, bemde
da ginnig e boan da Zoue.
3. Start e laboure, ha bemde
mes an holl Sulioù a roe,
penn-da-benn, da servij Doue.
4. ‘Vel Sant alar, poaniomp ive
da gaout ur gwir humilite
netra kaeroc’h dirak Doue.
5. Dalc’homp ivez ha dalc’homp mat
‘vel Sant alar, da santelaat
ar boan a gavomp en hor stad.
6. Ouzh an dud paour ha maleürus,
e galon a oa truezus
bennozh d’an den madelezhus !
7. Daoust ma oa kalz dreist ar re all
ne gemeras ket ar pleg fall
da gaout lorc’h, da fougeal.
8. Evit kerzhout war e roudoù
ni a santelaio ar Sulioù
gant euvroù mat ha pedennoù.
Ar pardon a vez da Sul diwezhañ miz Mezheven.
Goude an Oferenn da 10e 30 e vez prosesion tro-dro ar chapel hervez red an heol, teir gwech, marteze en anv an Drinded santel, ha goude e ra ar c’hezeg teir gwech an dro ivez, benniget teir gwech gant ar pardoner (ar beleg en deus oferennet) diwar kalvar bras kloz ar chapel.
Goude-se e chom an dud da bakañ ur banne (ne vez ket mui debret asambles).
EMGLEV AN TIEGEZHIOÙ 