Panelloù brezhonek evit diskeladeg ar sadorn 2 a viz c’hwevrer

Trugarez da F.C. evit al labour-kempenn-mañ ha da C’h. P. evit raktres an hirvanniel. Aesoc’h a se e vo en em gavout war lec’h ar manifestadegoù.

Hirbannieloù a c’heller gwellout war lec’hienn Bro-Santel (sellout el liammoù diavaez e bann kleiz al lec’hienn)

Panelloù brezhonek evit diskeladeg ar sadorn 2 a viz c'hwevrerPanelloù brezhonek evit diskeladeg ar sadorn 2 a viz c'hwevrer

Panelloù brezhonek evit diskeladeg ar sadorn 2 a viz c'hwevrer

:

Kenstrivadeg luganoù vit ar vanifestadeg a-enep an “dimeziñ” heñvelrev :

“Eured Homo biken ne vo !”

“Ur bugel n’en deus ezhomm ebet a zaou dad pe a ziv vamm, ezhomm en deus eus e dad hag eus e vamm”

“Bergé, Attali, an daou-se ‘zo ali : PMA,  GPA, feurmiñ kof sklaverezed, ha tutti quantti !”

“Penaos e c’heller nac’h karantez ur vamm d’ur bugel ?”

(nep piv bennak a c’hell degas re all e stumm un evezhiadenn e traoñ ar pennad-mañ)

Advertisements

Aet eo Kristian Brisson da Anaon

D’ar 25 a viz Genver 2013 eo aet Kristian Brisson da Anaon d’an oad a 85 bloaz.

Skrivagner puilh a-walc’h e veze goulennet alies outañ reizhañ skridoù a-bep seurt, evit Ti ar Skolioù Brezhoneg da skouer.

Ar brezhoneg a oa yezh an tiegezh bet savet gant e wreg Marcelle d’ur mare ma oa rouez an dra-se e Plougastell.

Ezel feal eus Emglev An Tiegezhioù, kristen gredus, en doa kemeret ur perzh bras e Bleun-Brug Penn-ar-Bed. E 1984 oa bet gant e wreg hag e vamm-gaer o tiazezañ kumuniezh katolik vrezhonek “Minihi Levenez” e Trelevenez.

Pediñ a ra EAT e izili da vont da gemer perzh e en obidoù a vo lidet d’ar Meurzh 29 da zek eur e iliz-parrez Plougastell pe d’en em unaniñ a galon gant e dud ha gant familh vras ar vrezhonegerien.

Kristian Brisson (copyright E.A.T.)

Kristian Brisson, ur breizhad en e sav.

Bet ganet en Ivry e 1927 ez eo aet da Anaon hor mignon mat Kristian e dibenn miz Genver 2013 e Plougastell, Kroaz ar Biz, d’an oad a 85 bloaz. E dud a oa eus Konk-Kerne, en deus anavezet mat e-pad e yaouankiz. War-dro e zaouzek vloaz e skrive istorioù e galleg war ur c’haier, met dija d’ar mareoù-se ne blije ket dezhañ skrivañ e galleg, emezañ din. Buan a-walc’h e reas e soñj deskiñ brezhoneg, pa gleve anezhañ en-dro dezhañ. Diwar deskiñ ar yezh e welas ez anaveze anezhi dija un tamm mat, hep gouzout dezhañ ! Neuze en doa divizet diwezhatoc’h d’ober eus ar brezhoneg e yezh dezhañ. Ur yezh par d’ar galleg a felle dezhañ ober ganti. Evit-se e oa penn-da-benn e linenn istorel Roparz Hemon : goveliañ evit Breizh ur benveg a zoare, par d’ar yezhoù bras, gouest da esteurel kement tra a vefe ezhomm. Er ster-se e oa ur broadelour anezhañ. Gant e wreg Marcelle, merc’h baraer an Treoù-Leon, en doa savet e dri bugel e brezhoneg. E deroù e briedelezh e oa bet skolaer e Roazhon e-pad pemp bloaz. Goude-se e voe kelenner e Skolaj kristen Sizun ha neuze ez ejont da chom e Plougastell e-lec’h e voe kelenner war ar saozneg e skolaj santez Anna. Da heul karta sevenadurel Giscard (Ploermael 1978) e c’hellas reiñ kentelioù brezhoneg en e skolaj, rak ne oa ket c’hoazh dianav d’ar braz eus ar vugale, met lodenn ar paour e oa : un nebeut eurvezhioù ar sizhun en holl. Ne oa ket aes atav e stourm evit ar brezhoneg war e vicher. Ur wech e rebechas e rener outañ ober gant ar brezhoneg, ha n’eo ket komz diwar e benn, e-pad ar c’hentelioù war sevenadur Breizh a veze paeet dezhañ da skouer ha zoken en e zarempredoù gant e dud-kar e veze rebechet dezhañ eveljust, rak rouez-tre e oa ar familhoù a save o bugale e brezhoneg er bloavezhioù-se, 60-80. E wreg Marcelle en em lakaas d’e heul tamm-ha-tamm da vrezhonegañ, pa reas-eñ dalc’hmat ouzh e vugale. Kontañ a rae penaos e oa deuet a-benn da lakaat e vugale da dommañ ouzh ar yezh, pezh a oa ul levenez vras evitañ : bemdez e konte istorioù dezho e brezhoneg e-barzh ar c’harr p’o c’hase d’ar skol. E seizh gwellañ a rae da ijinañ istorioù da gontañ dezho bemdez Doue. Pebezh broud evit an danvez-skrivagner a oa ennañ ! Ijinañ a reer a-walc’h ar blijadur o devoe e vugale diwar e selaou, hag ar garantez a rene etrezañ hag e vugale pa gonte dezho e zanevelloù. Evel-se moarvat en em lakaas Kristian Brisson da skrivañ levrioù ingal.

E tro 1984 e kemeras ur perzh penndalc’hel e savidigezh Minihi Levenez e Trelevenez, ur gumuniezh katolik e brezhoneg pemp ezel enni, ur beleg en he fenn, gant laiked o vevañ dindan an hevelep toenn, en o zouez Kristian, Marcelle hag he mamm. E 1986 e ris evel-se anaoudegezh gantañ. D’ar mareoù-se e reas e soñj embann e levrioù er skritur peurunvan pa oa boaz d’ober gant hini ar Chaloni Falc’hun. Neuze e voe embannet e levrioù gant Mouladurioù Hor Yezh da skouer, un dek bennak. An dra-se a voe un troc’h en e vuhez a emsaver rak ne voe ket komprenet e zibab gant tud evel Visant Seite da skouer, m’en doa kenlabouret gantañ e-pad hir amzer evit Bleun-Brug Penn-ar-Bed. Kavout a reas evel-se avat lennerion niverusoc’h hag e c’hellas kenlabourat da reizhañ skridoù a-bep seurt, evit Ti ar Skolioù Brezhonek pergen. Er mizioù diwezhañ-mañ ez aen d’e welout da c’houlenn aluzen e alioù fur diwar-benn skridoù a bep seurt evit an embann.

Doue d’e bardono !

Klevout a ran anezhañ o respont din a ziwar-laez e bondalez :

« Dalc’h mat ! ».

Kenavo Kristian !

Ur Breizhad en e sav ouzhpenn a zo aet e kerc’henn an Tad.

Tepod Gwilhmod

Luc’hskeudennoù eus ar vanifestadeg eus an 13 a viz genver a-enep ar Briedelezh “homo”

Beuzet eo bet Pariz gant ar Vanifesterion. Ar boliserion a lavar e oa un 340.000 bennak, an aozerion a lavar ez eo 1.300.000 a dud hervez gwir sifroù servijoù-titouriñ ar Stad, diouzh ma c’haller gouzout war Twitter. Da lavarout eo daou dre gant eus ar Frañsizion a oa e Pariz o vresañ pavezioù ar gêr gapital d’ar Sul 13 a viz Genver.

En o zouez e oa un nebeut tud o vanifestiñ e brezhoneg. Un degemer c’hwek o deus graet dezho izili Emglev An Tiegezhioù Pariz gant son ar binioù mar plij, en un aergelc’h laouen-tre.

Manifestiñ e brezhoneg a zo ar gwellañ d’ober a-benn lakaat c’hwenn e loeroù ar re a zo e-soñj dinaturañ gwir ster ar Briedelezh. Piv en defe c’hoant, ma c’hoarvezfe gantañ mervel, e vefe advabet e vugale gant pared heñvelrev ?

Manifesterien vrezhonegerion e Pariz Disul

Izili Emglev An Tiegezhioù Pariz a bed ar vrezhonegerien da vanifestiñ a-gevret Disul e Pariz a-enep raktres lezenn ar gouarnamant a fell dezhañ aotren an euredoù etre ar pared heñvel o rev.

En em gavout a raio kirri-boutin ar Vretoned e Pariz, ur c’hant karr-boutin bennak, PORTE MAILLOT.
Porte Maillot eta eo lakaet an emgav gant manifesterien vrezhonegerien Bariz, e-kichen ur pezh Gwenn-ha-du uhel gant ur roched fluo melen, da 13 eur. Panelloù e brezhoneg a vo, bet aotreet gant an aozerien. Pedet eo ar sonerien da zont gant o zalabardoù hag o binioù-bras da blantañ trouz.

Skritell brezhonek evit diskeladeg an 13 : klikañ da welout ar skritell (e voulañ a c’heller evit ar vanifestadeg pe e gas dre bostel…)