Bodadegoù, emgavioù, gant EAT, Kristenion Breizh, Breuriezh Sant Erwan, Oferenn Koad Kev, Kanerion An Naoned, ha re all, tost a spered.
Ur bajenn FACEBOOK ‘zo bremañ gant EAT. :
Digor eo d’an holl vrezhonegerien a-youl vat, a fell dezho rannañ tammoù eus o frederioù.
Mont a ra da glokaat al lec’hienn a zo kentoc’h evit an dielloù prizius.
Evit bezañ kelaouet, deuit da c’houlenn bezañ mignon da dTepod Gwilhmod war FB, webmestr ar Forom.
KafediIstor : “Istor ar Bibl e brezhoneg”
lusket gantT. Gwilhmod.
E Kemper, d’ar Sadorn 9 a viz Kerzu 2017, 2e30 goude merenn, e tavarn ar Finnegans, 46 straed Aristide Briand.
N’eus ket keit-se ez eus troidigezhioù eus ar Bibl e brezhoneg : an hini gentañ a zo gant «Reizher ar brezhoneg », Ar Gonideg, embannet e 1866, met n’eus hini ebet evit c’hoazh anavezet gant an Iliz katolik. Teir zroidigezh eus an Testamant Nevez disheñvel a implij an Iliz katolik hiziv an deiz, a verk doareoù disheñvel da sellout ouzh ar brezhoneg, unan poblelour Eskob Fave), egile begennelour (Maodez Glanndour), ar pezh en deus degaset freuz abaoe donedigezh ar yezh el liderezh goude Vatikan II.
Abaoe 2012 ez eus un arnod da sevel ur Bibl lidadurel klok e brezhoneg da heul al labourioù niverus a-walc’h, a zo bet e brezhoneg abaoe 150 vloaz.
Aozet gant ar Gevredigezh Vrezhon
(resisadurioù : kevredigezhvrezhon@yahoo.ie)
Notenn : e miz Genver e vo aozet un abadenn all e Brest gant ar stal “Nadoz-vor”, straed Jean Jaurès.
Poent eo d’ar vrezhonegerien gatolik kaout ur Bibl a zoare en o yezh.
Ar brotestanted o deus div : hini ar Gonideg hag hini Koad, 
o-div eus dibenn an 19vet kantved avat !
Labourioù ‘zo bet graet abaoe gant ar veleien gatolik.
Roma a c’houlenn ur Bibl hepken evit ar brezhoneg, unan resis mat, hag aes da lenn evit al lidoù.
D’ar Sul 5 a viz Du da 15 eur 2 plasenn Lourdez e Landivizio e vo un dro-sell war an holl labourioù ha ivez war raktres “Bodad ar Bibl” Emglev An Tiegezhioù a zo war ar stern abaoe 2012.
ar bibl i
Aozet eo gant “Kafe Brezhoneg” da geñver “Tan miz Du” KLT Montroulez. (mont e-barzh digoust).
Bep bloaz da zerc’hent Sul kentañ miz Gwengolo e vez lidet un oferenn vrezhonek er Folgoad : gouel ginivelezh ar Werc’hez Vari.
D’an Oferenn-se a zo da 6 eur noz e tired kalzik a dud, a bep korn a vro-Leon, war droad alies.
Evel-se e krog ar bloavezh-skol nevez : dont a ra an dud da bediñ ouzh treid ar Werc’hez kurunennet, ha boaz e vezont da bokat an delwenn sakr e maen
kersanton, ha da lezel ur piled koar dirazi arouez hor pedennoù oc’h erbediñ ar Werc’hez santel d’ober da Zoue reiñ deomp hor goulennoù.
An emgav-se er Folgoad a zo c’hoazh moarvat an emgav a vod ar muiañ a vrezhonegerien evit un dra e brezhoneg.
Kinnig a ra Emglev An Tiegezhioù evel bep bloaz d’en em gavout evit an degouezh-se, ha mont war droad d’ar Folgoad war hed 7 kilometr a-dreuz
maezioù bro-Leon. Evel bep bloaz eta e c’hellit dont d’al lec’h m’en em gavas tad ha mamm Sant
Herve : chapel Landouzen An Dreneg.Digor e vo ar chapel, ha loc’hañ a reomp da 15 eur hanter- 4 eur nemet kard diouzh ar chapel.
Pediñ a reomp war an hent, 20 mister ar chapeled. Kanañ zo moaien ober ivez (degas peadra);
Tu a vo da lezel e garr e-kichen ar chapel, ha kenweturañ a vo graet da gas ar vlenierien en-dro da Landouzen d’o c’haout en-dro.
Da 18 eur e vo kroget gant an Oferenn. Goude an oferenn ez eus tu da zegas e voued ha da zebriñ war ar plas da c’hortoz prosesion ar gouloù.
Deuit eta disadorn da vale etre Landouzen hag ar Folgoad, evit kregiñ gant ar bloavezh-skol nevez !
http://feiz-ha-breizh.blogspot.fr/
Poent eo lakaat e anv evit an Tro Breizh !
An emvod-bloaz hervez lezenn a vo dalc’het evel boaz e Kergreven Trelevenez d’ar Sul eus Kan al Loar :
10e 30 oferenn divyezhek e Sant Houardon Landerne
12 e Pred e Kergreven
14 e Emvod reoliek : renta-kont an oberiantizoù : goulennoù, raktresoù, dilenn tud evit ar c’huzul-ren.
16e dibenn an emvod.
17e evit ar re o devo amzer : Merennvihanañ ha da 18e E Landerne dibunadeg ar bagadoù pe pourmenadenn d’an aod.
Lakaat e anv eat@orange.fr 02 98 25 10 72
EAT Kergreven 29800 Trelevenez
Un emgav a vo di sadorn da noz 28 Plasenn Viarme en ti-debriñ “Pierrot Gourmet” da 19 h 30 evit debriñ a-gevret.
Ret eo pellgomz d’an ti-debriñ evit mirout e bred : 02 40 35 25 57 ha menegiñ emaoc’h gant “Guillemot”…
Evel-se hor bezo tro da dremen un pennad plijus ha da gomz diwar-benn hor raktresoù personel, ha re EAT. Lavarit din ma fell deoc’h kaout al levr katekiz evit ar vugale nevez moullet. kas ur ger amañ
Nozveilh Fask a zo da 20e 30 e Sant Klemens (ordinal) ha da 22 h 30 (dreistordinal).
Evel bep bloaz abaoe 1995 e kinnig EAT un dro-vale a 7 km evit kregiñ mat gant ar bloavezh-skol. Loc’het e vez diouzh chapel Ladouzen (an Dreneg )da 16 eur rik.
En em gavout a reomp er Folgoad a-raok an oferenn vrezhonek, a vez da 18 eur er Scala Sancta. Goude-se e vez pik-niket asamblez..
Ar re a lezo o c’harr-tan e Landouzen a vo kaset du-hont goude an oferenn.
Barr-avel, le blog du nationalisme breton
Lec'hienn embannadurioù "Ar Gouloù Gwenn"
"Tost-tost ouzhit emañ Komz Doue, ez kenoù emañ, hag ez kalon, ma seveni anezhi." (Adl 30, 14)
Traouigoù diwar-benn ar verdeadurezh a-genwerzh
Un digarez de skriù Brezhoneg
bed ar faltazi
(pe un tammig nebeutoc'h)
Breizh dieub ha sokialour
Ul lennerez o reiñ deoc'h pezh he deus skrivet goude he lennadennoù e-pad bloavezhioù. Deoc'h da reiñ ho soñj ivez.
EMGLEV AN TIEGEZHIOÙ 