Katekiz ar vugale
Pal pennañ al levr-mañ eo prientiñ ar bugel evit e Bask «bihan», e Bask kentañ. Evel-just e c’hell bezañ implijet evit bugale vrasoc’h, krennarded ha tud en oad zoken.
Savet eo al levr evit ur bloavezh leun, ur gentel bep sizhun da skouer, met implijet e vo e-doug meur a vloaz betek ar gomunion gentañ. Ar c’hentelioù a vo gwelet bep bloaz ha donaet e vint a-feur ma koshaio ar bugel. Hervez e oad hag e zoare, ha diouzh an amzer-liturgiezh eus ar bloavezh kristen e vo ret lezel kentelioù ‘zo a gostez rak gwelet e vint diwezhatoc’h, pe ez int bet gwelet dija hag e kavo deoc’h ne vo ket dav o adwelout.
Dreist-holl evit ar vugale etre 4 hag 8 vloaz eo savet ar c’hentelioù eta. Penndalc’hel eo ar bloavezhioù-se : dizoleiñ a ra ar bugel e «vMe», kemer a ra plegoù mat pe fall, hag e ra e gresk oc’h en em zigeriñ d’ar vuhez, buhez e gorf o kreskiñ, ha buhez e spered ma c’hwezh ennañ Gras Doue. En ur sellout ouzh ar skeudennoù e vo aes komz en un doare eeun ha diardoù gant ar bugel, hag e vo piket e galon glan a vugel, ha broudet e c’hoant-gouzout.
Kement-mañ ne vo ket tra-walc’h : ar bedenn bemdeziek ha reoliek gant holl izili an tiegezh a zo a-bouez bras, ha skouer vat ar gerent en o buhez pemdez ivez ha dreist-holl. Un ene en deus ar bugel. Un deiz e vo treuzkemmet e ene da vezañ damheñvel ouzh Doue da c’hellout arvestiñ outañ fas-ouzh-fas, en e c’hloar. Kement-se a c’hoarvezo mar plij gant Doue, gant ma vezo desket a-zoare gant e dud, Tad ha Mamm, e gatekizerien, hag ar veleien.
250 p. 12O skeudenn chekenn 45 euro franko war anv EAT, 24 Kergreven 29800 Trelevenez
Bannoù-treset war Santez Tereza vihan a Lisieux
12 € franko evit ur skouerenn, 20 € franko evit div skouerenn
Sklerijenn ar feiz kristen
Tr. Paol Kalvez, 2015, 87 p. 10 euro franko
Katekiz an Iliz katolik (diverradur)
troet gant Job Lec’hvien, beleg
255 pajennad
Priz : 25 € franko ar skouerenn
evit Breizh, Bro-C’hall, Europa hag Amerika.
Kas ho chekenn da EAT
24 Kergreven 29800 Trelevenez – Breizh – Brittany
Poanioù Spered an Tad Gwazdoue
Romant kentañ Youenn Olier
300 pajennad
Priz : 18,50 € franko ar skouerenn
evit Breizh, Bro-C’hall, Europa hag Amerika.
Kas ho chekenn da Yann MIKAEL
12 straed René Giraud 44130 BLAEN Breizh – Brittany
Hanter-kant vloaz ’zo, war e wele e klinikenn Kerlena Roskov, e skrivas Youenn Olier e romant kentañ, dres d’ar mare ma oa birvilh en Iliz ha ma voe igoret Sened-Meur Vatikan II e Roma.
Ur c’helenner war ar brederouriezh, an Tad Gwazdoue, eo an dudenn bennañ. Kelenn a ra en ur skolaj prevez a Vro-Wened. Kavout a ra dezhañ ez eo dellezek eus ur post-labour gwelloc’h, en ur c’helenndi all, unan a lorc’h, e Pariz da skouer. Mouget e vez dezhañ etre mogerioù uhel ar skolaj-se. Klask a ra an dro da c’hellout ober troioù er-maez eus e skolaj gant e reolennoù strizh a drugarez d’ur … strakell. An Tad Prefed – an Tad Bleiz -, a glasko lakaat e gabestr warnañ…, hag ar soubenn a drenko da vat etre an daou veleg.
War zigarez un romant leun a fent evel m’henn diskouez talbenn al levr e-unan, e taolenn Youenn Olier doare an Iliz d’ar poent-hont, en em gave etre daou ved : hini ar gevredigezh plouezat kristen a viskoazh o tizeriañ, hag hini ar gevredigezh kêrel dizoue, deuet diwar Filozofed an Sklêrijennoù… Diskouez a ra eta penaos edo an Iliz 50 vloaz ‘zo, hag ar c’hemm ez eus bet er bloavezhioù tri-ugent-se.
Poanioù-Spered en deus an Tad Gwazdoue gant e vrokadennoù hag e c’hoantoù bugelel un tamm, dister ha farsus war-un-dro. Gant piv ez aio ar maout, gant ar “Bleiz” pe gant an “Oan” ?…
Skridvarnerezh : http://alennebrezhoneg.wordpress.com/tag/poaniou-spered/
Danevelloù Yann Mikael 15 euro
sellout ouzh Katalog Imbourc’h a-hent all.
Levrioù dre luc’hskeudenn
ENEZ AR VERTUZ
Romant skiant-faltazi Youenn Olier
(heuliad Brave the world Huxley)
Er romant-mañ e c’hoarvez un istor goude un drouziwezh atomek er bed : lakaat ar Breizh da adc’henel, doare ar 16vet kantved, hag ur bed dizenel dindanzouar renet gant Omeur. Liammoù e-leizh ez eus gant istor an Emsav.
700 pajenn. Priz : 40 € evit an div levrenn + 10 euro mizoù-kas.